Este sábado celebramos o Día da Divina Pastora. Un día de festa para a Congregación das Franciscanas Misioneiras da Nai do Divino Pastor e para todas as comunidades educativas dos colexios que formamos parte desta Fundación.
Como ovellas que formamos parte do rabaño da nosa Nai, deixámonos acariñar por ela e pedímoslle que nos protexa e coide, especialmente, polas persoas máis necesitadas. Elas necesitan do consolo e da intercesión dunha nai que lles outorgue confianza e esperanza en que todo será resolto. Con María a luz volverá brillar.
Miremos o doce rostro de María e digámoslle con devoción: guapa, guapa e guapa. Xunto a ela aspiramos a que a vida sexa un remanso de paz e ben, a que a nosa mirada se volva máis pura e o noso corazón máis caritativo. Unamos a nosa voz e digamos con agarimo:
Viva a Divina Pastora!
A todas as irmás, a todos os membros da familia carismática de María Ana Mogas e a todas as comunidades dos colexios… Feliz Día da Divina Pastora!
